السلام عليكم ورحمة الله وبركاته
كان يامكان في قديم الزمان كان فيه بنت إسمها ياسمين تحب المحلات اليابانية واليوم اللي تروح فيه هالمحلات يعتبر يوم عيد بالنسبة لها ومرت السنوات وصارت تصور لصديقاتها بالسناب والإنستقرام هالمحلين دايسو وايبو وصارو يتفاعلون معها
وفي يوم من الأيام وهي تتفرج على قنوات اليوتيوب اكتشفت إنه في محل حلو موجود باليابان مرة حبته وتمنت يفتح عندهم بالسعودية ومع مرور الأيام وهي تقلب بصفحات النت إكتشفت إن هالمحل فتح بدبي والكويت
تحمست أكثر وبدت تبحث له عن فرع له بالسعودية لين ماتوصلت لفرع وحيد لهم بالرياض وصارت تقرأ كثير للمدونات والأشخاص اللي زارو المحل
حطت ياسمين هالأمنية براسها تحقق هالأمنية ب٢٠١٧ وصادف وقتها روحة الأهل لحضور مناسبة للعائلة هناك وحددت يوم تروح هالمحل وتكتشفه بنفسها وأول ماوصلت له شعور غريب ماهي مصدقة إن هالمحل صار قدام عينها هي تضحك ولا شتسوي
محل موجي محل ياباني وهذا أول فرع لهم بالرياض بحياة مول
طيب وش معنى موجي
هالمحل عنده أكثر من قسم وعشان تاخذون فكرة مفصلة عن موجي صورتلكم الأشياء اللي عنده وجبتلكم منه بعض الأفكار
قسم للأكرليك من دروج وفولدرات للملفات
نجي لقسم الدروج البلاستيكية
قسم للمقسمات البلاستيكية
لو تلاحظون كل اللي عرضته باللون الأبيض
قسم للأواني المنزلية
قسم للملابس
قسم لمفارش الأسرة
قسم مستلزمات السفر
قسم القرطاسية
قسم ملحقات دورة المياه
علب التعبئة
قسم الساعات
نجي اللحين لبعض الأفكار اللي عجبتني
١- لترتيب الأغراض في دورة المياه
٢- لترتيب الأدوات اليومية
٣- لترتيب أدوات المكتب
٤- تصلح لترتيب المناكير أو الواشي تيبز
باقي الأفكار راح أنزلها انستقرام عشان مايصير الموضوع طويل
نجي لمشترياتي من موجي
مقسم أكرليك لترتيب الدفاتر
من أول ماشفت الفكرة بالمحل عجبتني وبكيذا تكون واضحة بالكامل داخل المكتبة بالعرض بدل ماتكون بالسلة فوق بعض ماأعرف وش عندي ومو شرط للدفاتر تتقدرين ترتبين فيها المجلات بعد وصورة ثانية من جنب
دروج أكرليك لتنظيم النظارات الشمسية حبيت الفكرة
وومكن تستخدمينها بالعرض أو الطول
دفترين الخشبي للكتابة والأسود لتجميع الصور
قلمين هايلايتر حبيت إنه أنحف من الهايلاترات الثانية وظغاط
والثاني حبيت ريشته للكتابة
صمغ وإعادة تعبئة له فكرته للستكرات واوراق الملاحظات محبين البلانر وهالسوالف يعرفون فكرته
((ملاحظات مهمة ))
بعد البحث أرخص فرع لموجي اليابان بعدها الكويت وآخر شي الرياض
راح أعطيكم مثال
مقسمات الأدراج اللي شريتها من ايبو لو ذاكرينها راح أحط لكم رابط الموضوع
نفسها بالظبط عن موجي لكن السعر فرق كبير
عند ايبو على ٩ ريال وعند موجي ٤٥ريال
مقسمات الدروج الأكرليك الشفافةالفرق بينها وبين المحلات الثانية
اللي بموجي تنفتح باصبع والسعر أغلى
واللي بالمحلات الثانية لها مسكة يد والسعر أقل
((الأشياء الي حبيتها بالمحل ))
١- طريقة العرض كل غرض له صور لطريقة الاستفادة منه
٢- كل قسم لحال
طيب بما ان المحل شوي غالي كيف أشتري منهالاشياء اللي متوفره بمحلات ثانية وارخص منه لاتشترينها
أما الأشياء اللي بس تلقينها عنه شوفي على حسب حاجتك لها إذا محتاجتها خذيها زي ماسويت أخذت الأشياء اللي مهي متوفرة بالمحلات الثانية
طيب هل راح أرجع للمحل مرة ثانية أكيد حبيت المحل لأن هالمحلات من ميولي وراح أحط له ميزانية خاصة فيه
وبكذا يكون انتهى تقريري لمحل موجي
أشوفكم بموضوع جديد مع السلامة
