مشتريات أمريكا

بسم الله الرحمن الرحيم 

المشتريات من المواضيع اللي نستانس عليها حنا البنات نعرف محلات جديدة تصير لنا خبرة بمنتجات ماقد مرت علينا من قبل  فأهتم إني أنزلها لكم بالمدونة وتصير كمرجع لكم متى مابغيتو 

موضوع اليوم عن مشترياتي من أمريكا في رحلتي الأخيرة وشويه من أمستردام

أغلب المشتريات أخدتها من وول مارت أما اللي من دولار تري والتا راح أكتب تحتها ٠٠٠٠

نبدأ على بركة الله 

((منتجات العناية والترطيب))

لوشن أفينو مرطب للجسم للبشرة الجافة أخذت كمية محترمة أول ماوصلت جربته عندأختي وعجبني 

وفرق السعر شريت الحبة على١٧ ريال 

صايرة أحب منتجات أفينو 💕💕💕💕💕

من اليمين كريم أفينو مخصص للي بشرتهم فيها أكزيما بس أخذته عشان ترطيبه ثقيل وعلب صغار تصلح للشنطة 

الوسط واقي شمس لوشن أفضل للوجه عشان مايطلع حبوب نصيحة من دكتورتي راح أستخدمه لليد وللوجه

من اليسار كريم مرطب مثل العلب الصغيرة

مرطبات للشفايف 

من اليمين من BURTS  بالعسل 

الوسط بالعسل مع فايتمين اي وورق النعاع هذا مرطب علاجي فيه زي اللسعة لما ينحط علي الشفايف  مرة متحمسة عليه 

من اليسار مرطب كارمس 

كريم فازلين لليد والأظافر يجعل اليد صحية ويطول الأظافر خلال أسبوعين 

متحمسة عليه 

بما إن بشرتي جافة وسمعت عن هالمنتجين مدح فقلت خل أجربهم 

من اليمين كريم لليد ومن اليسار كريم للقدم 

((منتجات الإستحمام))

غسول للجسم من افينو ودوف

مقشرستيفز المفضل عندي من ٢٠١٣ مرة أحبه 💕💕💕💕💕

أنواع من الديودرنت الروايح كلها نظافة 

(( منتجات المكياج ))

من اليمين بلاشرات ميلاني صدق صدق عليها مدح مو طبيعي ولي سنين أبيها 

أخذت اللونين الأساسية والتجربة خير برهان

بكل صراحة يابنات ماركة NYXمنتجاتهم رهيبة 

من اليمين أخذت كريم أساس مثل القطرة  -ألتا

من اليسار مسكرة حواجب ملونة رهيييييبة اللون 04 اللون جميل وثابته ماتتحرك من مكانها

💕💕💕💕💕💕💕💕((ألتا))

مسكرة شفافة من ايسنس-ألتا

قلم شدو كريمي من NYX[بس مو موجود الألوان كلها هاللون مرة رهيب من ألتا

خلصت واحد قعد عندي خمس سنوات ورجعت أخذت جديد 

جربت من قبل بعد بلاشراتهم ثابته بس تخيلو مالقيتها متوفرة بألتا ولاوول مارت 

من اليمين فرشاة لتوزيع الفاونديشن من elf

فرشاة للكونسيلر من REAL TECHNIQUESمن ألتا

بيوتي بلندر من دولار تري 

صمغ للرموش أبيض وأسود من ARDEIL من ألتا

من اليمين مزيل المكياج من GARNIRR للمكياج الوتر بروف 

من اليسار مناديل لإزالة المكياج yes to

فرش لآلة الكلاروسونيك غير متوفرة بالسعودية فاستغليت الفرصة وخذيتها من ألتا ميزت هالنوعية بعد التجربة مو قوية علي البشرة ولاتطلع حبوب مثل الأنواع الثانية اللي متوفرة عندنا بسيفورا يعني أقدر أستخدمها يومياً ومافيها ضرر 

((منتجات العناية بالشعر  ))

من اليمين من اتز اتن بخاخ بالكيراتين  يوضع علي الشعر وهو مبلول يعطي نعومة ولمعان للشعر 

أما الأزرق شامبو جا هدية من ألتا لكثرة المشتريات 

بخاخ لتثبيت الشعر big sexsy hair ترافل سايز من ألتا

مشط للشعر المبلول الفكرة منه ينشف الشعر عن طريق الفتحة اللي بالوسط وقت التمشيط 

((الإكسسوارات))

أول شي حابة أبدأ فيه 

مثبت للجوال ومعطر لسيارتي💓💓💓

أكثر شي كنت أحتاجه للنظارة الشمسية والطبية لما آخذها معي بالشنطة وماأبيها تاخذ مكان لماتكون بالبيت الكبير حقها مرة حبيتها تخيلو سعر  الحبة على سبعة ريال أحبك ياوول مارت ❤️❤️❤️❤️

من اليمين علبة متنوع لصكاكات الحلق 

تعليقات للمفاتيح أعترف أكثر وحدة تضيع مفاتيحها😅😅😅

شنطة بتعليقة لمفتاح السيارة والشنطة لكرت البنك

((منتجات التنظيف))

مستحيل يعدي علي هالشيء عرفتوني أتوقع هالمرة صرت عاقلة أخذت بس شي واحد من الأشياء المتعلقة بالنظافة 

ممسحة سويفر مع المناديل المبللة تبعها فرق السعر يعني تاخذون ثلاث بسعر وحدة من عندنا 

لاتنسون بعد لوني المفضل إكتملت السعادة 💚💚💚💚💚

((للذكرى وللإستخدام الشرائي وصديقة للبيئة))

كيسة من وول مارت عشان وقت التقضية وماأشتري زيادة عن اللزوم حبيت كيف تتثبت على عربة التسوق 

((منتجات للسفر ))

من اليمين فرشاة للأسنان  المعجون منها وفيها حجمها صغير للإستخدام مرة واحدة 

معطر للفم 

علبة عن طريق الظغط تفك أزمة بالسفر من دولار تري تحسفت اني ماأخذت أكثر

تنفع لأي شي سايل

((المناكير))

مناكير من دولار تري  الواحد على ثلاث ريال ونص متخيلين 😘😘😘😘

((الأدوات المكتبية))

زي الملف يتثبت داخل االحديد ماخذته أحوله لمقلمة داخل البلانر من بيق لوست بدولار 

((الشاهي ))

براندي المفضل من الشاهي لما قبل النوم والإسترخاء 

yogi

من اليمين شاي بيد تايم الأزرق قد جربته من قبل بمشتريات الكويت وحبيته 

فجبت لي منه كميه محترمة 

أما البرتقالي نفس الفكرة لكن معه كراميل 

شاهي نايتي نايت هذا أول مرة أجربه

مقسم لأكياس الشاي  لو عندك كذا نوع 

((التحف والتذكارات))

من مطار الحب أمستردام ♥️♥️♥️♥️♥️

كوب وحصالة حبيت التفاصيل والألوان لايغركم الكوب كبير مرة 

من الحب دولار تري حبيتهم للمكتب معطية جو وشكل مرة حلو 

وبس هذي كانت مشترياتي في أمريكا 

كل مواضيع المشتريات تلقونها بقسم المشتريات

أشوفكم بمواضيع جديدة 

مع السلامة 

14 comments