السلام عليكم ورحمة الله وبركاته
موضوع اليوم عن ترطيب الشعر من زيوت وسيروم وش اللي فادني وحبيته ووش اللي ماأنصحكم فيه
الأسبوع الماضي تكلمت عن الشامبوهات اللي عجبتني تلقونها هينا
نبدأعلى بركة الله بأنواع الزيوت اللي جربتها وهل تستاهل أو لا
زيت جوز الهند أشهر من نار لى علم اشتهر مرة كثيييير عند اليوتيوبر والبلوقر ومابقى أحد ماإستخدمه وامدحه
ومابقي شي مااستخدموه فيه بالطبخ ولترطيب الجسم ولعمل المقشرات
طيب نجي لتجربتي معاه :يعتبر من أفضل الزيوت اللي لاحظت عطى ترطيب ولمعة وخفف نفشة شعري
خلصت علبة وبادية بالثانية أهم شي االإستمرار عليه واستخدمه مرتين بالأسبوع وأخليه علي شعري لمدة ساعتين تلقونه متوفر بآيهرب بصراحه اعتمدته وكل ماخلص راح أرجع أشتري منه مرة ورى مرة
اللي على اليمين البكج القديم واللي على اليسار البكج الجديد حقهم
بالمختصر المفيد من أسوأ الزيوت اللي جربتها بحياتي أولاً المفروض من أي زيت بالعالم خاص بالشعر يرطب لكن هالزيت نشف شعري ولا عطاني لاترطيب ولالمعان للشعر
ثانياًطلع لي قشرة بالراس بس الحمد لله تخلصت منهاومستحيل أرجع أشتريه يمكن نفع ناس لكن أنا ولافادني بأي شيء
زيت لوريال من إليفيف عبارة عن مجموعة زيوت ويصلح لجميع أنواع الشعر
تجربتي معاه: كنت أستخدمه كزيت قبل الشاور وبعض الأحيان علي أطراف الشعر قبل النوم
المكتوب عليه: يعطي الشعر نعومه ولمعانالنتايج اللي شفتها منه يعطي نعومة بسيطة للشعر
هل راح أشتريه مرة ثانية لا
وبكيذا يكون خلصت من الزيوت اللحين أنتقل إلى أنواع السيروم اللي جربتها ووش أكثر شي فادني
طريقة إستخدام السيروم: بعد الشاور والشعر ندي أقسم شعري نصين أحطه على يدي احركه باطراف اصابعيأحط منه من تحت الأذن إلى آخر الشعرولكل جهة ظغطة وحدة كافية
من اليمين سيروم إليفيف من لوريال: سيروم بالأرقان أويل ونعرف قد ايش الارقان شي مره حلو لترطيب الشعر والبشرة
تجربتي معاه:قوامه خفيف وبنفس الوقت مايدهن الشعر لاحظت أعطى لمعه حلوه للشعر والأطراف وخفف من النفشة وتكسر الشعر وبنفس الوقت تقدرون تستخدمونه كحماية للشعر من الحرارة
يعتبر من أفضل السيرومات اللي استخدمتها لحد اللحين
من اليسار سيروم اورغانيكس بزيت الأرقان المغربي
تجربتي معاه : سيروم قوامه أثقل من اللي قبله يخفف من النفشه قعد معاي فترة مرة طويلة ولحد اللحين ماخلص بس ماعطاني لمعة ولو زدت بالكمية أحس شعري مدهن
أي واحد راح أرجع أشتريه أكيد سيروم لوريال سعره أخص بكثير من أورقانيكس
وبكذا يكون خلص الموضوع لوجربتو شي من اللي ذكرتها أو أي نوع ثاني ياليت تفيدينا تحت بالتعليقات وأكون شاكرة ومقدرة لك طرح تجربتك أشوفكم بموضوع قريب وجديد
مع السلامة
