مشترياتي من باث اند بودي ((تخفيضات ٢٠١٦))+ملاحظات مهمة

السلام عليكم ورحمة الله وبركاته 

بماإن الفترة الحالية السوق صاير فترة تخفضيات فحلو الواحد يستغل هالفترة 

خاصة االمحلات اللي يكون فيه فرق كبير بين السعر الأصلي والسعر بعد التخفيض ومن هالمحلات محل باث اند بودي 

فيكون عليه إقبال كبير من الناس 

---------------------------------------------------------------------------------------------------------------------------------

ونبدأ على بركة الله راح أعرضلكم السعر قبل وبعد عشان تشوفون الفرق في السعر كيف

             ((الشموع))

السعر الأصلي للشموع الحبة ب ٩٥ ريال بعد التخفيض الحبة ٤٥ ريال شفتو الفرق فهذا موسم للي حابة تشتري مجموعة 

من اليمين (( Beautiful day)) هالنوعية ليمتد اديشن يعني لفترة محدودة إذا خلصت ماتنباع مرة ثانية ريحتها مرة حلوة أنصحكم تاخذونها 

الثانية ((Rainfurest gardenia))

من اليمين ((tiki mango mai tai)) ريحتها منقا 

الثانية ((georgia peach)) ريحتها مشمش

من اليمين ((golden pinapple luau)) ريحة أناناس

((Capri fresh water and see salt)) ريحة نظافة 

     

  ((معطر الجسم وغسول اليد)))

           هالفترة صايرة مدمنة شي اسمه أناناس سواء أكل أو عطورات فالصورة أكثر تعبيرا من الكلام 

       من اليمين ((عطر ومقشر للجسم - شاور جل - صابون لليد ))من مجموعة ((fcolden pineapple luau))

     العطر قبل ٨٠ وبعد ٢٥-- المقشرقبل ٨٠وبعد٣٥--الشاور جل قبل ٦٠ وبعد ٣٥الصابون قبل ٤٠وبعد ١٥         

من مجموعة ((moon light path ))

من اليمين عطر الجسم --شاور جل 

العطر قبل٨٠ وبعد ٢٥ ريال

الشاور جل كان ب٦٠ صار ٢٥ اخر شي ١٥ ريال

صابون لليد من اليمين ((island marg arita)) ريحة الليمون

((turquoise waters))مياه ارتوازية

السعر للحبة قبل ٤٠ ريال وبعد ١٥ ريال 

((ملاحظات مهمة))

١- حبيت أنبهكم على نقطة ترا أغلب الأشياء اللي مسوين عليها تخفيضات ماراح تلقونها مرة ثانية ليش لأن أغلبها فواكة وروايحها مناسبة لفصل الصيف اللحين ممكن لما تخلص التخفيضات ماراح تكون موجود أو راح يبقى منها عدد محدد تنباع وبعدها ماراح تعرض في محلاتهم لو رحتي وعجبك شي من المعروض بالتخفيض خذيه ولاتترددين ولو نزلوها بفترة الصيف الجاية تكون الروايح مختلفة يعني أنا راح أقولكم الزبدة الصيف اللي راح شريت صابون اليد بريحة الأناناس وكانت مرة حلوة وهالسنة نزلو ريحة الاناناس الريحة تفرق لكنها بعد حلوة حتي مسمي المجموعة اختلف والبكج مختلف 

٢- النقطة الثانية وقت التخفيضات فيه منتجات مايشملها العرض ليش لأن تكون عندهم الأكثر مبيعا فلو سوو عليها عرض راح تكون بالنسبة لهم خسارة وبنفس الوقت عارفين ان الناس راح تشتريها لأن روايحة بيرفكت المجموعات راح أذكر منها البعض اللي هي ((سي ايسلاند كوتون-جابانيز ريد تشييري -مجوعة الاسترخاء))

أتمنى يكون استفدتو من الموضوع والملاحظات 
أنتظر تعليقاتكم الجميلة تحت

أشوفكم قريب بموضوع جديد 

Leave a Comment Hauls مشتريات