((إستعدادي لشهر رمضان )):ج(1):/تنظيف المطبخ والمخزن مع بعض النصائح

السلام عليكم ورحمة الله وبركاته
كيفكم إنشاءالله تكونو بخير وصحة وسلامة
قرب شهر رمضان المبارك الله يبلغناه إياه لافاقدين ولامفقودين
 قبل فتره وعدتكم إني انزل لكم ترتيبي للمخزن والمطبخ لما اخلص من ترتيبه وتنظيفه




وهذه عادة عندي قبل كل رمضان لازم أعملها
لكن قبل ماأبدى عندي بعض القاعدات اللي متبعتها راح تساعدكم كثييييييييييير
1-      قاعدة من فوق لتحت
وش معنى هالكلام يعني أي مكان راح تبدين فيه دايم إبدي من فوق لتحت بعطيك مثالتخيلي الوضع معي نظفتي دواليب المطبخ وبعد ماخلصتي منها قمتي ا ونظفتي الجدران العلوية تبع الدواليب بهالحالة كل تعبك بيروح عالفاضي وكل الوسخ اللي فوق نزل على تحت وصلت المعلومة إنشاء الله 

أول شي بديت فيه الأسطح العلوية تبع الدواليب مع جدرانها وعشان احافظ على الأسطح من الغبرة فرشتها بسفر ولزقتها بلزق عشان ماتتحرك من مكانها
فكرة ثانية فيناس تفرشه بقصدير على شان اشعة الشمس تعطي ضوء أكثر للمطبخ

2-      التفريغ بالكامل يساوي التعبئة بالكامل
وش قصدي باهالكلام
يعني لما تجين تنظفين دولاب معين فرغيه من كل الأغراض أول شي راح تختصرين على نفسك الوقت بالتنظيف وبعد ماتنظفينه على ماتصفين الأغراض اللي تبينها  اعطيتي للدولاب وقت للتهويه
3-      التقسيم يساوي الدقة في العمل
يعني مستحيل بيوم وليلة تنظفين المطبخ لازم من تنظيف الدواليب على حسب طاقتك ووقتك وعدد الدواليب
يعني الشي اللي يتسوى بتأني ودقة يبقى فتره نظيف
سويلك جدول وحددي بكل يوم كم دولاب بتنظفين وأهم شي خلي وقت راحة إذا حسيتي بالتعب ترانا بشر نتعب ونزهق ونحس لن الشغل إذا تسوى بتعب مايضبط وبتحاولين تسوينه بأي كلام وفي الأخير تعبتي  زيادةوالشغل مو مضبوط
4-      التخلص من الزايد يساوي جلب الناقص
يعني وقت ماتنظفين  أي شي تلقينه منشلخ او مكسور طرفه تخلصي منه على طول ترا هالشياء تجيب الطاقة السلبية لنا وبنفس الوقت تشوفين وش ناقصك وتكتبينه بورقة وإذا في شي ماتبينه تتبرعين فيه للجمعيات
5-  إستغلال العلب 
حنا مانقول لاتشتري علب وبرطمانات حلوة بس اللي ودي أقوله ياما ناس عندهم احسن العلب والبرطمانات 
وتشوفين مطبخهم عفسة ووصخ ووفي ناس تستغل الشي بذكاء مثل علب الكافي والجبن السايل بعضها تكون علبها حلوة وتؤدي الغرض غستفيدي منها على ماتشترين علب زينه احس شرحي كثير بي اهم شي تستفيدون




6- الادوات المستخدمة في تنظيف الدواليب 
الكلوركس وصابون الاواني السائل وفوط للمسح وإسفنجة مواعين خاصة بالدواليب 
واللحين راح اعطيكم بعض الأفكار
1- ببخاخ حطي فيه كلوركس وماي ورشيه على الدولاب بالكامل من برا وداخل وخليه شوي وبعدين افركيه بالصابون وشوفي كيف ينظف بسرعه معاك 
2- هذاالدولاب سلمكم الله كان فوق هواية المطبخ القديمة لما شلناه نظفته وحطيته فوق سطح الدولاب
هذا شكله وهو مسكر 



استغليته للأجهزة الكهربائية



3- المخزن لاغنى عنه في المطبخ هذه الصورة من العام الماضي نفس ترتيب هالسنة 



بعطيكم بعض الأفكار منه 
الجالونات البلاستيك الثلاثة واحد لأنواع الرز والثاني للطحين والثالث للتمر 
السلاسل الحديد للمعلبات الصغيرة والماجي وغيره
سلة لحفظ انواع المكرونة 

4- الأواني القزاز الشفافة مثل فناجيل الشاهي وكاسات العصير والصحون وجيكات العصير وصحون الحلى 
أنقعهم بماي وصابون وكلوركس وخل أبيض وبعدها إغسليها زين وشوفي كيف تلق لق من اللمعان 
أهم شي غسليها زين 

5- البهارات اللي دايم راح تستعملينها حطيها خارجيا بمقسمات بلاستكية وكل ماخلصت غسلي البلاستيكات وعبيها من جديد 



6- دولاب البهارات من اكثر الدواليب اللي تتعفس وأسهل حل لترتيبها السلات والقوارير




7- لإستغلال المساحات الضايعة بالدولاب افضل حل المقسمات الحديد



8- حددي بعض الدواليب تكون خاصة لأواني الضيوف 
فتصير نظفية وماتنعفس وكل مااخذتي منها شي رجعيها محلها 



وبنفس الوقت خصصي في رمضان كم دولاب وخلي فيها كل المواعين اللي راح تستخدمينها في هالشهر عشان ماتنعفس كل الدواليب عليك وهذا يرجع للتخطيط قبل تنظيف الدواليب 

لو بكتب ماخلصت من الطبخ المهم حاولت إني أنوع لكم بالصور والأفكار اللي عندي 

نطروني في الجزء الثاني نهاية هالأسبوع 

مع السلامة الله يحفظكم 

((كفارة المجلس ))

سبحانك اللهم وبحمده أشهد ان لاإله إلا أنت استغرك أتوب إليك

46 comments Cleaning تنظيف, Organizing تنظيم وترتيب