مفضلاتي لمعطرات الجو+ كيف استخدمتها لأكثر من إستخدام

السلام عليكم ورحمة الله وبركاته 

أهلين بنات كيفكم إنشاء الله تكونو بأتم صحة وعافية 

الموضوع اللي راح أتكلم عنه اليوم  تكلمت عنه من قبل بالإنستقرام في الأخير 

لكن حبيت أوثقه بالمدونه عشان يصير سهل الرجوع له بأي وقت تبونه  يعتبر قسم 

جديد في المدونة وهو المفضلات 

يصير بعد كل فترة أنزلكم الأشياء اللي أعجبتني هالمرة راح أتكلم عن هالمعطرات 

وإستمريت عليها لحد الآن

أول شي راح أذكرلكم المعطرات وفي آخر الموضوع راح أقولكم كيف 

تستخدمونها لأكثر من إستخدام

عطر الفنادق مذهلة يحتل المركز الأول بالنسبة لي  تلقونه متوفر بمحلات الجملة 

وسعره مرة حلو١٧ ريال سعودي

 

احتل المركز الثاني معطر بتول اكوا من الرصاصي 

تلقونه متوفر بمحلات الرصاصي وكشكات العطور بالسعودية وسوق المباركية 

بالكويت وسعره يختلف من مكان للثاني بس مايتعدا ٢٥ ريال سعودي

ملاحظة مهمة: في منها لون ثاني اللي جربته البنفسجي الغامق 

 احتل المركز الثالث معطر ريتاج وسلييب

الفترة الحالية مستمرة على هالإثنين ريتاج  للمفرش وسلييب للمخدات

مرة حلوين أرشها قبل النوم بعشر دقايق 

اللي عجبني بريتاج ريحته تمسك يعني  لو استخدمته يومياًو أجي باليوم الثاني 

أشم المفرش ألقى الريحة باقية فيه ٥٠٪ ولو استخدمه بعض الأيام راح تكون 

الريحة على خفيف

معطر ريتاج تلقونه متوفر بالماجد للعود ومعطر سلييب متوفر بباث اند بودي 

وركس

احتل المركز الرابع اسكيب وفنتزي من مجموعة معطرات أنهار

وفيه واحد بعد حلو من هالمجموعة لكن دايم مخلص اسمه اسكادا ريحته خييييال 

اللي تلقاه تاخذه على طول 

تلقونه متوفره بمحلات الجملة بجدة أو تقدورو تتواصلو مع 

مصنع العلواني والميمني لصناعة العطورومستحضرات التجميل جدة

                                                   

 

احتل المركز الأخير معطرات الجو من اير ويك

ريحة نسيم البحر ريحة نظافة أنصحكم فيه بس تبون الصراحة مااستخدمت 

الجهاز معه إلا مرة وحدة أما الباقية إستخمته كمعطر للغرفة 

طيب نجي لنقطة مرة مهمة 

هل هالمعطرات اللي ذكرتها أستخدمها فقط لتعطير الجو 

لا أستخدمها لأكثر من استخدام مثلا لتعطير الجو والمفارش والستاير والكنبات 

و بكيذا يكون انتهى الموضوع لليوم 

إنشاء الله استفدتو من الموضوع

ولو جربتو معطرات وأعجبتكم ياليت تكتبون لي تحت بالتعليقات

أشوفكم قريب بموضوع جديد

3 comments Favorites مُفضلات

وش سالفة ((الكتاب الأبيض))

السلام عليكم ورحمة الله وبركاته 

اليوم راح يكون الموضوع مختلف شوي هالقسم أضفته من أقسام المدونة لأني أحبه مرة 

المهم مالكم بالطويلة اليوم راح أتكلم معكم عن هالكتاب الأبيض اللي جننت البنات فيه بالسناب حتى أخوي اللي متابعيني بالسناب كل ماجا ياخذه أسحبه منه بسرعة وأقوله ماتاخذه إلا لمى أخلصه وإنشاء الله راح أرسله له قريب وكثير نزلت منه مقتطفات بالسناب والتويتر وجات عليها كابتشرات كثيرة

وجا اليوم اللي أتكلملكم فيه عن هالكتاب  نجي اللقب اللي أطلقته على هالكتاب

ليش سميته بالكتاب الأبيض لأن بالفعل حسيته زي الإنسان اللي قلبه أبيض وصافي اللي قلبه على لسانه

 راح تفهمون معنى الكلام اللي فوق 

((هدف الكاتب من هالكتاب ))

مو الإقناع لكن يبيك تكتشف الشي بنفسك

لما بديت أقرأ وأقرأ قاعدة أقول إن هالكلام اللي مكتوب صح وواقعي ويصير في حياتنا

((اللي عجبني وشدني بالكتاب))

عدة نقاط

((النقطة الأولى ))

كل مايبدأ موضوع معين يضربلك تحته مقوله من أقوال الكُتَّاب هالمقوله ماتكون صعبة بالعكس تكون سهلة وبسرعة تلقطينها وتعرفين المغزى منها ولو صعبت على البعض ((الموضوع والمقولة)) بعدها يبدأ بشرح عنوان الفصل والمقولة من خلال قصص وتجارب بعض الناس  وكيف خلى البعض يغير إلى الأحسن طبعاً حتى الناس اللي ذاكر قصصهم في التغيير راح تلاحظون كيف انه ساعدهم لكن بطريقة خلاهم يعرفون وش الغلط اللي عندهم من خلال سؤالهم سؤال واحد وبعده هم اكتشفو الطريق الصح من خلال هالأمثلة إنتي راح تستكشفين وتعرفين الطرق اللي تغيرين فيها من نفسك على حسب الشيء اللي بتغيرنه وهالشي مرة حلو من الكاتب بدل مايقعد يذكرلك نقاط مسردة ورى بعض ومن ظمن الأمثلة اللي ذكرها قصة أوبرا وينفري في إنقاص وزنها 

((النقطة الثانية ))

ترتيبه للمواضيع كيييف؟؟؟؟؟؟

يعني بماإن الكلام يتكلم عن التغيير فهو مرتب هالمواضيع على هالشي يعني مرحلة مرحلة وش أول شي  وش ثاني شي وهكذا 

((النقطة الثالثة ))

بين الكلام وذكر الأمثلة يذكرك ببعض الكتب والبرامج التلفزيونة اللي راح تفيدك وهالشي مرة إستانست عليه 

في آخر الكتاب ذاكرلك نقاط أساسية لازم تتوفر بالشيء اللي تبين توصليله بالمختصر عشان تحققين أي شي تبينه بالمختصر المفيد 

س: مين اللي بتستفيد من هالكتاب ؟

هذا أصعب سؤال ممكن أرد عليه أتوقع الأغلبية من الناس تقدر تستفيد منه وكل شخص يبي يحقق حلم أو هدف معين 

طريقة سرد الكاتب تخليك مرة متحمس بس أهم شيء مو بس تقرأالكتاب وتصكه لا لازم من العزيمة والإصرار والتطبيق ولا مااستفدت شيء

س: وش إسم الكتاب وبكم سعره ومن وين أشتريه؟

هذا الكتاب وسعره مرة زهيد((٢٥ ريال)) من مكبة جرير لكن الفايدة اللي طلعت منه مرة كبيرة 

وإنشاء الله راح أعتمد هالكاتب لو شريت كتب جديدة عجبني أسلوبه وطرحه للمواضيع 

وبكذا يكون إنتهيت من هالموضوع إنشاء الله إستفدتو منه 

Leave a Comment Books كُتب

مشترياتي من باث اند بودي ((تخفيضات ٢٠١٦))+ملاحظات مهمة

السلام عليكم ورحمة الله وبركاته 

بماإن الفترة الحالية السوق صاير فترة تخفضيات فحلو الواحد يستغل هالفترة 

خاصة االمحلات اللي يكون فيه فرق كبير بين السعر الأصلي والسعر بعد التخفيض ومن هالمحلات محل باث اند بودي 

فيكون عليه إقبال كبير من الناس 

---------------------------------------------------------------------------------------------------------------------------------

ونبدأ على بركة الله راح أعرضلكم السعر قبل وبعد عشان تشوفون الفرق في السعر كيف

             ((الشموع))

السعر الأصلي للشموع الحبة ب ٩٥ ريال بعد التخفيض الحبة ٤٥ ريال شفتو الفرق فهذا موسم للي حابة تشتري مجموعة 

من اليمين (( Beautiful day)) هالنوعية ليمتد اديشن يعني لفترة محدودة إذا خلصت ماتنباع مرة ثانية ريحتها مرة حلوة أنصحكم تاخذونها 

الثانية ((Rainfurest gardenia))

من اليمين ((tiki mango mai tai)) ريحتها منقا 

الثانية ((georgia peach)) ريحتها مشمش

من اليمين ((golden pinapple luau)) ريحة أناناس

((Capri fresh water and see salt)) ريحة نظافة 

     

  ((معطر الجسم وغسول اليد)))

           هالفترة صايرة مدمنة شي اسمه أناناس سواء أكل أو عطورات فالصورة أكثر تعبيرا من الكلام 

       من اليمين ((عطر ومقشر للجسم - شاور جل - صابون لليد ))من مجموعة ((fcolden pineapple luau))

     العطر قبل ٨٠ وبعد ٢٥-- المقشرقبل ٨٠وبعد٣٥--الشاور جل قبل ٦٠ وبعد ٣٥الصابون قبل ٤٠وبعد ١٥         

من مجموعة ((moon light path ))

من اليمين عطر الجسم --شاور جل 

العطر قبل٨٠ وبعد ٢٥ ريال

الشاور جل كان ب٦٠ صار ٢٥ اخر شي ١٥ ريال

صابون لليد من اليمين ((island marg arita)) ريحة الليمون

((turquoise waters))مياه ارتوازية

السعر للحبة قبل ٤٠ ريال وبعد ١٥ ريال 

((ملاحظات مهمة))

١- حبيت أنبهكم على نقطة ترا أغلب الأشياء اللي مسوين عليها تخفيضات ماراح تلقونها مرة ثانية ليش لأن أغلبها فواكة وروايحها مناسبة لفصل الصيف اللحين ممكن لما تخلص التخفيضات ماراح تكون موجود أو راح يبقى منها عدد محدد تنباع وبعدها ماراح تعرض في محلاتهم لو رحتي وعجبك شي من المعروض بالتخفيض خذيه ولاتترددين ولو نزلوها بفترة الصيف الجاية تكون الروايح مختلفة يعني أنا راح أقولكم الزبدة الصيف اللي راح شريت صابون اليد بريحة الأناناس وكانت مرة حلوة وهالسنة نزلو ريحة الاناناس الريحة تفرق لكنها بعد حلوة حتي مسمي المجموعة اختلف والبكج مختلف 

٢- النقطة الثانية وقت التخفيضات فيه منتجات مايشملها العرض ليش لأن تكون عندهم الأكثر مبيعا فلو سوو عليها عرض راح تكون بالنسبة لهم خسارة وبنفس الوقت عارفين ان الناس راح تشتريها لأن روايحة بيرفكت المجموعات راح أذكر منها البعض اللي هي ((سي ايسلاند كوتون-جابانيز ريد تشييري -مجوعة الاسترخاء))

أتمنى يكون استفدتو من الموضوع والملاحظات 
أنتظر تعليقاتكم الجميلة تحت

أشوفكم قريب بموضوع جديد 

Leave a Comment Hauls مشتريات

مشتريات الكويت*Kuwait*

السلام عليكم 

ورجعة جميلة لمدونتي 

وبما إن بدأ موسم السفرات حبيت أوريكم مشترياتي من الكويت تاخذون فكرة للي حاب يزور هالدولة الجميلة 

ونبدأ بسم الله 

١ـ أول مشترياتي من أشهر المحلات المعروفة بدولة الكويت كان من سرداب الشايع

رموش متنوعة 

من أجمل الشادوهات اللي جربتها  ورجعت أخذت منه مرة ثانية 

وهينا الألوان أوضح بالكامل

مناكير من فلومار حبيت التعليب الجديد للمناكير حقتهم اللي من جهة اليمين وقوام اللون صار أوضح من أول مسحه

بنفس السرداب موجود محل يبيع أشياء مرة حلوة خاصة بتنظيم أغراض المكياج 

والإكسسوارات أخذت منه منظم الأرواج الأكرليك

عجبتني لتثبيت علبة المناكير وانتي تحطينه بدل ماينكب عليك 

لتنظيف فرش المكياج 

طقم أساور مع الخواتم عجبتني إنها مع بعض 

٢- ثاني مشترياتي كانت من هالمحل الجميل 

((الشام الدولية))

مدري شسمه بالظبط بس عجبني فيه اليوم والشهر والتاريخ 

المبخرة الشهيرة-كوب-بيت للمناديل

٣- ((من مارينا مول ))

 ومستحيل تمر سفرة بدون ماأمر صيدلية  خاصة اللي تكون بدول الخليج تكون متوفرة فيها أشياء مو متوفرة عندنا بفروع السعودية فاستغل الفرصة 

 هالشي مرة حلو للي مايقدرون على الفيتامينات الحبوب هذي فيتامينات حلاو تصلح للكبار والصغار

 زيت الآرقان  للجسم على شكل بخاخ

مشط لفك تشابك الشعر 

٤- ((من سوق شرق ))

 باث اند بودي

ليمتد اديشن 

كانت فترة الكريسمس عجبتني ريحتها 

٢- من اليمين شاور جل وبخاخ جسم ((air))-((sky))

 ((من آلدو))

١- هالشنطة الجميلة حبيت فيهاالحجم والسير ممكن يصير قصير أو طويل 

((  الإكسسوارات  ))

عقد حبيته مع فستان سادة راح يعطي فخامة للبس خاصة ان اللون الأسود اللي فيه عبارة عن مخمل 

جميل

مرة ناعم فطقمته بالكامل 

وماأكون ياسمين إذا ماأخذت شي له علاقة بالتنظيف

 للشنط زي السائل الأبيض  ينظف الشنط الجلد 

((من جمعية سلطان))

من يوجي ((شاهي أخضر-شاهي أعشاب ماقبل النوم ))

الكونتري المفضل عندي من كيلوقز كونتري السينابونكأنك تاكلين سينبون رهييب 

((من ماك ))

من اليمين ((captive))_ ((twig))

من ست الحبايب ماما  محل مختص بكل شي صحي من الأكل من 

The Approved Market

                 من اليمين شاي بالنعاع -شاهي أخضر -شاهي أخضر مع ليمون ونعناع

                      مريت على محل زارا فرع الأفنيوز ووقعت في حب هالشوز وماخليته بخاطري

                                                             5-((من زارا))

عجبني شكله باللبس والأحلى انه مخمل 

6- ((من سيفكو ))

عبارة عن سوبر ماركت فيه منتجات مومتوفرة بالسوبرماركات الثانية والمنتجات فيه تعتبر زرخص بشوي من الباقي 

حاولت آخذ أشياء مو متوفرة عندنا عشان أجربها وعجبني عندهم قسم البيوتي  

من اليمين ((بلسم وشامبو الافوكادو-شامبو بالثوم-شامبو بزدة جوز الهندوزبدة الشيا )) 

عجبني هالديودرنت إنه جل شفاف 

من اليمين الأبيض((unscneted)) الأصفر((pure frsh))

البنفسجي ((shower fresh))

من ((tung brush)) جل وفرشاة لتنظيف اللسان

                                      
                                     وبكذا يكون انتهت مشترياتي وإجازة صيفية ممتعة لكم 

أنتظر ردودكم وكلامكم الحلو في التعليقات تحت

2 comments Hauls مشتريات