السلام عليكم ورحمة الله وبركاته
كيفكم إنشاء الله تكونو بأتم صحة وعافية
حسيت إني متاخرة عن الموضوع الثاني للمدونة بس كنت حاطة براسي سالفة
محلات الجملة إلا أروحهامالكم بالطويلة وكثرة الكلام
ورحت مع الوالد الله يحفظه
صراحة ماصدقت إني رحت وأخذت كل اللي ببالي
طبعا في محلات الجملة كل شيء يخطر على بالك تلقينه
وأرخص من الأسواق بكثير
في بعض الأشياء أول مرة أخذها بجربها وأقولكم فيها رايي فيها
بموضوع ثاني
نبدأ بالصو على بركة الله
طبعا هذا افضل مناديل جربته بالنسبة للبيت
وهذه مناديل للمطبخ جودتها مرة ممتازة
إسمها ((رول النسر)) الكرتون يجي فيه 6 رولات
إسفنج مواعين هالنوعية وايد ممتازة
إسفنج لإستعمالات متعددة
ينظف مغاسل الحمامات من قلب
وله عدة استعمالات ثانية بذكرها في موضوع مستقل
ملاحظة خذو النوعية القوية ((اسبا))
أكياس زبالة وسفر
حبايب قلبي
العملاق الأبيض والأخضر
طبعا مو الأصلي بس هذا اللي متوفر بالسوق الأصلي مقطوع من فترة
إنشاء الله الموضوع الجاي راح أكتب عنهم بالتفصيل
المنظفين الجميلين
101-409
منظفي اللي ماأستغنى عنه
((هاربيك))
تكلمت عنه هنا
والمعطر الجميل هذا قصة من زمان وانا ادوره
دخلت المحل ولقيته وشهقت حتى ابوي يوقولي وشفيك
مسكين انفجع قلتله هذا هذا
من زمن وانا ابيه
قال خلاص خذيه صراحة قعدت اضحك على نفسي يوم ركبت السيارة
إنتو شوفو إسمه بس ((عطر الفنادق -مذهلة ))
ولا من السناعة ماخذت إلا واحد
سعره يابلاش بس 15 ريال
معقم ومزيل الروايح للتواليت
معقم ومزيل الروايح للتواليت من داك أول مرة اجربه وبنشوف
ونفتالين معروف لمغاسل الحمامات لما تشغلين الماي يطلع ريحة حلوة في المغسلة
كرتون كلوركس
سلك للقدور والصواني هالنوعية وايد حلوة ماتمخش
معطر للغرف أو أي محل وايد حلو
وقلفزات للإستعمل اليومي اخذ بـ 7أو 8 كراتين مرة وحدة
((ملاحظة))
محلات الجملة اللي أخذت منهابالدمام بجانب سوق الخضار خلف الهرم بلازا مباشرة
محلات الجملة ماخذة جزء من اسواق الدولية
وبكذا يكون خلصت مشتريات الجملة إنشاء الله تستفيدو من الموضوع
اشتركو بالمدونة عشان توصلكم المواضيع الجديدة وأي اسئلة تلقوني على التويتر ولاتنسو الإنستغرام
((كفارة المجلس))
((سبحانك اللهم وبحمدك اشهد ان لاإله إلا أنت استغفرك وأتوب إليك))
0 comments:
Post a Comment