السلام عليكم ورحمة الله وبركاته
الموضوع اليوم عن مشترياتي من مكة والرياض والبحرين جمعتها لكم في موضوع واحد
نبدأ على بركة الله
بمشتريات مكة طبعاً أهم محل مستحيل أروح مكة وماأقضي منه وهو أسواق ابن داوود هو عبارة عن سوبرماركت لكن يعجبني بأنه يجمع أقسام كثيرة وهذا الشي اللي مخلي الناس تجيه و تعجبني جودة الأغراض عنده مرة ممتازة
من أجود أنواع المناشف اللي ممكن تلقونها بالسوق ودايم أشوف الفنادق يستخدمون هالنوعية في مفارش الأسرة والمخدات فيوم شفتها متوفرة عندة أخذتها بدون تفكير فأخذت حجمين كبيرة وصغيرة بلون الزيتي أهم شيء من درجات الأخضرهههههههه
محفظتين صراحة عندهم أشكال مرة تحيير لدرجة إن في البداية ناديت أختي معي بعدهاأخذت كل اللي عجبوني بسلة ومن ١٢ حبة رسيت على هالثنتين اللي عاليمين حسيت كأني قاعدة بلندن واليسار عجبني حجمها الصغير والرسمة اللي عليها
اللي عاليمين علب زجاجية باللون الأزرق ولها أغطية من الداخل اللي بالوسط نفس الفكرة وبلاستكية حبيت أشكالها وأقدر أخذها معي بالشنطة اللي في الأخير قزاز
كمادات حبيت الفكرة إنها ملبسة بزي الشراب
اللي علي اليمين لليد أقدر أخليهليها حارة عن طريق المايكرويف وباردة عن طريق الفريز ملبسة زي الشراب بس أطلع القطعة اللي داخلها وبعدين أرجعها والحلو إنها نتفه صغيرة يعني حتى لو بغيت أقدر آخذها معي بالشنطة
اللي عاليسار كمادة تتعبي ماي حار فقط والحلو لما أشيل الشراب لونها أصفر
من اليمين بلاستيك لتحريك الجلد الميت حول الأضافر حبيته بدل أعواد الخشب
اليسار الة لتجفيف طلاء الأظافر تشتغل بالبطارية نجرب ونشوف
طقم سكاكسين ملونة حبيت إنها حادة بالتقطيع
ميداليتن مفاتيح على شكل شنط
من محل إكسسوار مراية للشنطة محفور عليها إسمي وإسوارة
ننتقل على مشتريات الرياض
من أسواق طيبة محل وسطاء المكياج
مناكير قولدن روز من اليمين
بنفسجي ٤٧---- سماوي١٥-----بين العنابي والبني ١٠٥
أظافر مع الصمغ مع إني ماأحبها لكن لوقت الزنقات والمناسبات لما تفاجئك أظافرك وتتكسر عجبني شكلها
واللي حمسني آخذها صناعتها كورية
من الحب دايسو
دفاتر بعضها مسطر وبعضها أبيض سادة صايرة أحب أشتري الدفاتر اللي تعجبني لأني راجعة للكتابة وبقوة
بعد فترة من الإنقطاع
واشي تيبس حبيت أشكالها من الهوايات الجديدة اللي هابة فيها لي مدة وأحب أزين البلانر فيها
من اليمين ملف شفاف وشنطة بلاستيك لعدة السفر السايلة
كوب عجبني لايغركم صورته تراه كبير وواسع من الداخل أقدر آكل فيه الفطور مثل كونتري وحليب أو أي شي يخطر على بالي وعلى قولة ماما يوم شافته قالت الله ياكبره هذا تقدرين تحطين فيه الشوربةجبتيها ياأم الأفكار الله يخليكي لنا ياست الحبايب ولا يحرمنا منك
ونختمها بمشتريات البحرين
من سوق التنين الصيني
كفر للآيفون مرة شدني شكله غريب وحسيت يصلح وقت المناسبات والعزايم يعطي فخامة للجوال
وبس هاذي كانت مشترياتي من مكة والرياض والبحرين
أشوفكم في مواضيع قادمة
مع السلامة
