السلام عليكم ورحمة الله وبركاته
من فترة وأنا نفسي بأجندة ((هابي بلانر)) ،كنت أشوف لها فديوهات على اليوتيوب ودايم أوصي أختي عليها هاي بشاير 💗💗💗
وفي يوم من الأيام كنت رايحة لمحل ((فيل)) بالراشد مول ولقتها أختي يوم قالتلي عليها إنها موجودة على طول أخذتها ماتتخيلو قدايش فرحتي يوم لقيتها 💗💗💗
الحجم اللي أخذته الكبير ويحتوي على١٢ شهر بدون تحديد السنة والأشهر يعني أقدر أستخدمها بأي وقت فما أكون مقيدة بسنة أو شهر وهذا أحلى سعرها ١٥٠ ريال سعودي
مورينك بالصور كيف تقدرين تستخدمينها واليوتيوب مليان فديوهات عنها
ونفس الورقتين هذي تقدرين تشيلنها بعد ماتقرين المعلومات اللي عليها
داخل البلانر ستكيرات للأشهر كل شهر مكرر مرتين واحد ينحط للديفايدر واحد لداخل الشهر
شكل البلانر بدون الأوراق الغلاف الخارجي من الأمام والخلف مغلف تغليف حراي يختلف فيه أشكال وعبارات
ولو طلبتيه من الموقع تقدرين تختارتي الغلاف من برا من حيث العبارة أو الصورة اللي حابتها
بداية البلانر
تقويم سنة ٢٠١٧و٢٠١٨
بداية كل شهرصفحتين
من اليسار البداية كتابة الملاحظات
بعدها الأشياد اللي ((بتقرينها-بتلعبينها-بتشوفينها -تحذيرات-الاكل - الشرب -اشياء حبيتها هالشهر-بتسمعينها-أماكن تبين تروحين لها وأشياء ثانية ))
حبيت هالصفحة💗💗💗 بحيث لما يخلص كل شهر ونهاية السنة تشوفين الأشياء
من اليمين تكتب عبارة أو رسمة أو تكون فاضية وإنتي تكتبين عبارة من عندك
الصفحة اللي بعدها يكون الشهر بالكامل حبيت حجم المربعات لكل يوم مرة حلوة
على جانب الصفحة المهام والملاحظات وتقدرين تزينها بالاستيكرات والواشي تيبز راح أوريكم خلال السنة على السناب بإذن الواحد أحد
الصفحة اللي بعدها تبدأ أيام الشهر بالأسبوع يعني البلانر صاير شهري أسبوعي
مقسم اليوم لثلاث فترات
تقدري تحطي فترة صباح وظهر وليل
أو قسم للشغل وقسم للبيت وقسم لنفسك
قسم للشغل قسم لهوايتك وقسم للعناية
كل وحدة وعلى حسب تقسيمها
كل ديفايدر يختلف عن الشهر الآخر
ديفايدرات كل شهر مغلفة تغليف حراري وهالشيء حبيته عشان مع الإستخدام ماتتعفط
زي مالصورة موضحة الأسيام ذهبية وبالوسط شكل قلب مفرغ 💚💚💚وأقدر أغير مكان الأوراق قدام وورا مثل ماأبي مثل الشهر الأول ماأبي هذا التصميم وأغير من تصميم شهر ثاني
جودة الورق خامتها حلوة لكن راح أجرب الكتابة عليها وأوشوف
ماأقدر أضيف عليها أوراق إلا في حالة وحدة لو خرمت الأورق مثل التخريم اللي عاملينه
آخر صفحة لكتابة الملاحظات طبعاً صفحة وحدة ماتكفي بس راح أطبق الفكرة اللي قلتكم عليها بالموضوع السابق
وهنا الرابط
طبعاً أكيد في بنات عجبتهم البلانر
الخبر الحلو بهالموضوع😍😍😍😍
بلانرات وستيكرات ذاهابي بلانر صارت متوفرة بمكتبات جرير بكل الفروع نزلت لكم من مدة الخبر في الإنستقرام
تقدرو تشوفو الصور هناك
عقبال ماينزلون الواشي تيبز تبعتهم
شريت دفتر واحد للإستيكرات وبجرب لو حبيتها راح أشتري باقي المجموعة
كل دفتر لستيكرات معينة ونفس الاستيكرات اللي فيه خاصة الأغلبية مصممينها تركب علي حجم هابي بلانر مثل الأيام الفترات الصورة راح توضح كلامي
ونختم سنة ٢٠١٧ بهالموضوع
أشوفكم بعد شهر ونص
أتمنى💚💚💚💚💚💚💚💚💚💚 لكم سنة جديدة وسعيدة مع السلامة
